د سولې حاجت
تاریخ نشر جمعه ۱۰ دلو ۱۳۹۳ – ۳۰ جنوری ۲۰۱۵ هالند
محترم سمیع الدین افغانی
د سولې حاجت
سمیع الدین افغانی
۳۰ / ۱ / ۲۰۱۵ م ۰ کال
موږ د جنګ د څــو لسیزو قـــربانی یو
یو دسولې هیله مند لــه کـــردګـــاره
په خلوص د نیت کعبې ته په سجدو یو
پناه غـــواړو د مــولا د لـــوی درباره
ولسونه مـــو د غـــم په ټغر ناست دی
کور او کلی موشول وران له دې ناتاره
لا تر څو به موږ پــه وینو کـــې لمبیږو
مددګــار مو شې خـــالقه لا یـــزالـــه
ته کریم یې ته رحیم ته پاک سبحان یې
شو که خلاص نور د بې رحمو له ازاره
په وطن کې که مو سوله ورور ګلوی شی
موږ په سوله کې ژوند غواړو له غفاره
چې دجنګ لمن شی ټـــوله امـن راشی
دا حاجت مـو کـړې پــوره پـــروردګاره
————-
سمیع الدین افغانی
۲۰۱۵- ۱ – ۳۰
م ۰ کال
درود به سمیع جان افغانی ، سروده زیبا و عالیست . موفق وسلامت باشید. مهدی بشیر – هالند