غزل
تاریخ نشر یکشنبه هشتم حوت ۱۳۹۵ – ۲۶ فبروری ۲۰۱۷ – هالند
غزل
مصطفی پسرلی
اوس په دې کلی کې هر څوک د ځان خبرې کوی
ځان ترې نه هیر وی او د لوړ اسمان خبرې کوی
مخ ته مې ګوری خو مې سترګو ته کتلى نه شی
داسې سرکوزی بیا د دین ، ایمان خبرې کوی
زه ځپل شوى یم په دې چې ما ترې مینه غوښته
زخمی ګوګل مې د هغه دوران خبرې کوی
نور په خوږو خوږو کیسو د هغه نه غولیږم
اغیار په مکر د وصال ، هجران خبرې کوی
د پسرلی خوار قسمته ته به کله ویښ شې ؟
د شر لاسونه بیا د ګران ، ارزان خبرې کوی
مصطفی پسرلی
۱۸/۰۲/۲۰۱۷
تشکر از آقای پسرلی ، سروده عالیست. موفق باشید. مهدی بشیر