ای قهرمان ملته
تاریخ نشر پنجشنبه ۲۸ حوت ۱۳۹۳ – ۱۹مارچ ۲۰۱۵ هالند
محترم سمیع الدین افغانی
ای قهرمان ملته
سمیع الدین افغانی
۵ – ١ – ٢٠١۴ م ۰ کال
دګران وطن د لوی افغان ټبره
ای د تاجک او نورستان ټبره
د هزاره ازبک ترکمن پرګنو
میشت په زابل اوپه جوزجان ټبره
نن ستاسو پوهه متانت دی پکار
د قندهار غور سمنګان ټبره
راځئ یو موټی یو قوت شو سره
ای په بادغیس میشت په لغمان ټبره
په ننګرهارکه په زابل کې میشت دی
د پکتیا خوست بدخشان ټبره
ټول ای زموږ درانه خواره قومونه
ای د امو نه تر بولان ټبره
*********
څوبه په زړوکې ملامت کوومونږ
نور به ریښتنی بغاوت کوو مونږ
دلته کې څه تیرشوی څه تیریږی
لدې غمیزو شکایت کوو مونږ
دا د لسیزو ماتمونو لړۍ
ټولې نړۍ ته حکایت کوو مونږ
نن زموږ هر کلی ماتم ژړوی
د واکدارانو ملامت کوو مونږ
د یو پاڅون دځان خلاصون په خاطر
په لر او بردا مصلحت کو مونږ
داسې حالت نور د زغملو ندی
لا به تر څو خوب د غفلت کوو مونږ
*********
لږ شئ دخوبه را بیدار ولسه
ای مدبر اتل هوښیار ولسه
په تااوس ظلم دی تیری چلیږی
ته په نړۍ کې وې نامدار ولسه
سره یو موټی یو قوت که نشوئ
شئ به محتاج د هر اغیارولسه
ته وې فاتح ته وې باتور د زمان
د تاریخونو افتخار ولسه
نن دا پردی دا د لستونو ماران
ستا بربادۍ ته دی تیار ولسه
همدا شیبه ده سرنوشت وټاکئ
نور نو غفلت ندی پکار ولسه
*********
پاڅه را ویښ شه ولسو ته ګوره
ته دپلرو جګو شملو ته ګوره
ټول نن په ویر او په ماتم ژړیږی
ته لر او برو پښتنو ته ګوره
دی کور او کلی مالتونه په غم
دا نور قومونه پرګنو ته ګوره
اوس دې په ژبه او قومو بیلوی
ته د غلیم مکراو پلمو ته ګوره
ستا د نیکودی کارنامی معلومې
د نجیب زړونو کارنامو ته ګوره
دغه د هیلو ارمانونو منصور
دا په وطن شهید بچو ته ګوره
*********
ددې بدیو انتقام پکار دی
دغو ناخوالو ته انجام پکار دی
څوبه د غم نارې سورې وی دلته
دلته بادرده پوه زمام پکار دی
نور په دوکو تشو وعدو څه نشی
پردی صفتو ته لږ پام پکار دی
چې مو نورخلاص لدې ظلمت کاندی
یوبا تدبیره انسجام پکار دی
نور به یو کیږو د بقا لپاره
پوهه ا خلاص رښتینی ګام پکار دی
افغانی هیلو ارمانو په خاطر
دغو نا خوالو ته فرجام پکار دی
————
سمیع الدین افغانی
۵ – ١ – ٢٠١۴
م ۰ کال
درود به سمیع جان افغانی با این سروده زیبا و مملو از احساس . قبل از همه ورود سال نو ۱۳۹۴ خورشیدی و نوروز باستانی را بشما و خانواده محترم و تمام هموطنان عزیز تبریک میګویم ُ، امیدوارم سال نو ، سال خوشی ها ، تندرستی ، صلح و امنیت و همۀ مردم کشور ما متحدانه با هم زندگی خوشی را سپری کنند. موفق و سلامت باشید. مهدی بشیر